Anpurrek

Antzerkigilea gaztea, ipurtarina eta Madrilen Arte Dramatiko ikaslea da. Hala ere, bere lanak –Anpurrek, besteak beste– jada oholtza gainean antzeztuta ikusi dituen horietakoa dugu. Euskaraz idatzi eta eszenaratutako antzezlana gure bildumari gehitu diogu azkenean ere. Haatik, ez dago euskera normalizatuan idatzita, baizik eta idazleak Bermeoko hizkera jarri du bere pertsonaien ahotan. Bermeon antzezteko testua izanik, bermeanoaren bitxitasunak azalduz, bestelako balore linguistikoa erantsi dio testuari.
Idatzitako testuetan zein etorri behar direnetan, Euskal Herriko idazle ez oso ezagunak baina zalantzarik gabeko balioa duten horien idazkiak hartzearen asmoa dugu, lehen hurbiltze honek agerian uzten duen moduan. Ozkar Galanek bere borondatea eta talentua bat egin ditu eta antzezlan honetan euskal antzerki herrikoiaren eskema eta moldeak landu ere, kostunbrismora gerturatzen diren pertsonai eta pasarteen bitartez, baina erabat interesgarria jo dezakegun kontatzeko trebetasuna erakutsiz. Ozkar Galanek Bermeoko marinelek euren gozamenerako gordetzen dituzten legatzaren tripakiak diren anpurrak bezalako bitxia eskaintzen digu.